श्री हनुमान चालीसा

श्री हनुमान चालीसा

~~~

दोहा
श्रीगुरु चरन सरोज रज निज मनु मुकुरु सुधारि ।
बरनउँ रघुबर बिमल जसु जो दायकु फल चारि ॥
बुध्दिहीन तनु जानिके, सुमिरौं पवन-कुमार ।
बल बुद्धि बिद्या देहु मोहिं, हरहु कलेस बिकार ॥
चौपाई
जय हनुमान ज्ञान गुन सागर । जय कपिस तिहुँ लोक उजागर ॥
राम दूत अतुलित बल धामा । अंजनि-पुत्र पवन सुत नामा ॥
महाबीर बिक्रम बजरंगी । कुमति निवार सुमति के संगी ॥
कंचन बरन बिराज सुबेसा । कानन कुंडल कुंचित केसा ॥
हाथ बज्र औ ध्वजा बिराजै कांधे मूँज जनेऊ साजै ॥
संकर सुवन केसरीनंदन । तेज प्रताप महा जग बंदन ॥
बिद्यावान गुनी अति चातुर । राम काज करिबे को आतुर ॥
प्रभु चरित्र सुनिबे को रसिया । राम लषन सीता मन बसिया ॥
सूक्ष्म रूप धरि सियहिं दिखावा । बिकट रूप धरि लंक जरावा ॥
भीम रूप धरि असुर सँहारे । रामचंद्र के काज सँवारे ॥
लाय सजीवन लखन जियाये । श्रीरघुबीर हरषि उर लाये ॥
रघुपति कीन्ही बहुत बड़ाई । तुम मम प्रिय भरतहि सम भाई ॥
सहस बदन तुम्हरो जस गावैं । अस कहि श्रीपति कंठ लगावैं ॥
सनकादिक ब्रह्मादि मुनीसा । नारद सारद सहित अहीसा ॥
जम कुबेर दिगपाल जहाँ ते । कबि कोबिद कहि सके कहाँ ते ॥
तुम उपकार सुग्रीवहिं कीन्हा । राम मिलाय राज पद दीन्हा ॥
तुम्हरो मन्त्र बिभीषन माना। लंकेस्वर भए सब जग जाना ॥
जुग सहस्त्र जोजन पर भानू । लील्यो ताहि मधुर फल जानू ॥
प्रभु मुद्रिका मेलि मुख माहीं । जलधि लाँघि गये अचरज नाहीं॥
दुर्गम काज जगत के जेते । सुगम अनुग्रह तुम्हरे तेते ॥
राम दुआरे तुम रखवारे । होत न आज्ञा बिनु पैसारे ॥
सब सुख लहै तुम्हारी सरना । तुम रच्छक काहू को डर ना ॥
आपन तेज सम्हारो आपै । तीनों लोक हाँक तें काँपै ॥
भूत पिसाच निकट नहिँ आवै । महाबीर जब नाम सुनावै ॥
नासै रोग हरै सब पीरा । जपत निरंतर हनुमत बीरा ॥
संकट तें हनुमान छुडावै । मन क्रम बचन ध्यान जो लावै॥
सब पर राम तपस्वी राजा । तिन के काज सकल तुम साजा ॥
और मनोरथ जो कोइ लावै । सोइ अमित जीवन फल पावै ॥
चारों जुग परताप तुम्हारा । है परसिद्ध जगत उजियारा ॥
साधु संत के तुम रखवारे । असुर निकंदन राम दुलारे ॥
अष्ट सिद्धि नौ निधि के दाता । अस बर दीन जानकी माता ॥
राम रसायन तुम्हरे पासा । सदा रहो रघुपति के दासा ॥
तुम्हरे भजन राम को पावै । जनम जनम के दुख बिसरावै ॥
अंत काल रघुबर पुर जाई । जहाँ जन्म हरि-भक्त कहाई ॥
और देवता चित्त न धरई । हनुमत सेंइ सर्ब सुख करई ॥
संकट कटै मिटै सब पीरा । जो सुमिरै हनुमत बलबीरा ॥
जै जै जै हनुमान गोसाईं । कृपा करहु गुरु देव की नाईं ॥
जो सत बर पाठ कर कोई । छूटहि बंदि महा सुख होई ॥
जो यह पढ़ै हनुमान चलीसा । होय सिद्धि साखी गौरीसा ॥
तुलसीदास सदा हरि चेरा । कीजै नाथ हृदय महँ डेरा ॥

दोहा
पवनतनय संकट हरन, मंगल मूरति रूप ।
राम लषन सीता सहित,हृदय बसहु सुर भूप ॥

***

Please keep visiting for updates.Please write us to sudursamvedan@gmail.com for feedback and suggestions.***

-------------------------------------------------------------

Shri Hanuman Chalisa is one of the immortal creations of

Goswami Tulasi Das, the great devotee of Shri Ram.

-----------------------------------------------------------------

Doha

~~~

Shriguru Charan Saroj Raj Nij Manu Mukuru Sudhaari,
Barnau Raghubar Bimal Jasu Jo Daayaku Phal Chaari.
Buddhihin Tanu Jaanike, Sumirau Pavan-Kumaar,
Bal Buddhi Vidya Dehu Mohi, Harahu Kales Bikaar.

~~~

Chaupai

~~~
Jay Hanuman Gyaan Gun Saagar, Jay Kapis Tihu Lok Ujaagar.
Raam Doot Atulit Bal Dhaama, Anjani-Putra Pavanasut Naama.
Mahaabir Bikram Bajarangi, Kumati Nivaar Sumati Ke Sangi.
Kanchan Baran Biraaj Subesaa, Kaanan Kundal Kunchit Kesa.
Haath Bajra Au Dhvaja Biraajai, Kaandhe Munj Janeu Saajai.
Sankar Suvan Kesarinandan, Tej Prataap Maha Jag Bandan.
Vidyaavaan Guni Ati Chaatur, Ram Kaaj Karibe Ko Aatur.
Prabhu Charitra Sunibe Ko Rasiya, Ram Lashan Sita Man Basiya.
Sukshm Roop Dhari Siyahi Dikhaava, Bikat Roop Dhari Lank Jaraava.
Bhim Roop Dhari Asur Sanhaare, Ramachandra Ke Kaaj Sanvaare.
Laay Sajivan Lakhan Jiyaaye, Shriraghubir Harashi Ur Laaye.
Raghupati Kinhi Bahut Badaai, Tum Mam Priy Bharatahi Sam Bhaai.
Sahas Badan Tumharo Jas Gavei, As Kahi Shripati Kanth Lagaavei.
Sanakadik Brahmaadi Munisa, Naarad Saarad Sahit Ahisa.
Jam Kuber Digapaal Jaha Te, Kabi Kobid Kahi Sake Kahaa Te.
Tum Upakaar Sugrivahi Kinhaa, Ram Milaay Raaj Pad Dinhaa.
Tumharo Mantra Bibhishan Maana, Lankeshvar Bhaye Sab Jag Jaana.
Jug Sahastra Jojan Par Bhanu, Lilyo Taahi Madhur Phal Jaanu.
Prabhu Mudrika Meli Mukh Maahi, Jaladhi Laanghi Gaye Acharaj Naahi.
Durgam Kaaj Jagat Ke Jete, Sugam Anugrah Tumhare Tete.
Raam Duare Tum Rakhavaare, Hot Na Aagya Binu Paisaare.
Sab Sukh Lahei Tumhaari Saranaa, Tum Rakshak Kahu Ko Dar Naa.
Aapan Tej Samhaaro Apei, Tino Lok Hank Te Kaapei.
Bhoot Pisaach Nikat Nahi Aavei, Mahaabir Jab Naam Sunaavei.
Nasai Rog Hare Sab Pira, Japat Nirantar Hanumat Bira.
Sankat Tein Hanuman Chhudaavei, Man Kram Bachan Dhyaan Jo Laavei.
Sab Par Ram Tapasvi Raja, Tin Ke Kaaj Sakal Tum Saaja.
Aur Manorath Jo Koi Laavei, Soi Amit Jivan Phal Paavei.
Chaaro Jug Parataap Tumhaara, Hai Parsiddh Jagat Ujiyaara.
Saadhu Sant Ke Tum Rakhavaare, Asur Nikandan Ram Dulaare.
Asht Siddhi Nau Nidhi Ke Data, As Bar Deen Jaanaki Maata.
Ram Rasaayan Tumhare Paasa, Sadaa Raho Raghupati Ke Daasa.
Tumhare Bhajan Ram Ko Pavei, Janam Janam Ke Dukh Bisaravei.
Ant Kaal Raghubar Pur Jaai, Jahaa Janm Hari Bhakt Kahaai.
Aur Devataa Chitt Na Dharai, Hanumat Sei Sarb Sukh Karai.
Sankat Katai Mitei Sab Piraa, Jo Sumirei Hanumat Balbira.
Jai Jai Jai Hanuman Gosaai, Kripa Karahu Guru Dev Ki Naai.
Jo Sat Baar Path Kar Koi, Chhutahi Bandi Mahaa Sukh Hoi.
Jo Yah Padhe Hanuman Chalisa, Hoy Siddhi Saakhi Gaurisaa.
Tulasidas Sadaa Hari Chera, Kijei Naath Hriday Mah Deraa.
~~~
Dohaa

~~~
Pavantanay Sankat Haran, Mangal Murati Roop,
Ram Lashan Sita Sahit, Hriday Basahu Sur Bhup.

***

----------------------------------------------------

If you can not read Hindi text below properly

please click here to download Hindi Font (Mangal).

-------------------------------------------------------

Please see INDEX for more aartis & chalisa.